Njuolggadusat govt atnit Čáhppoha Olmmáivákkis

Muoraid čuohppan

1. Ferte álo goaivut muohttaga ja čuohppat maddagis dalle go čuohppá muoraid dálvet.
2. Báljisinčuohppan ii leat lohpi. Ferte álo báhcit vuovdi nu ahte meahcci šaddá ain.
3. Ráddjejuvvon báikkiin sáhttit gieldit muorračuohppama dan botta go vuordit vuovddi ođđasitšaddama. Dákkár báikkiid sáhttit áidut go vuordit ahte muorat šaddet.
4. Ii leat lohpi čuohppat eanet go iežas dárbui.

Guollebivdu

1. Gaikkat geat orrot Olmmáivákkis sáhttet bivdit guliid bivdinlobi haga. Čáhput Siida-searvi sáhttá vuovdit bivdinlobi duottarjávrriide ja jogaide olgobealolbmuide.
2. Váldonjuolggadussan lea ahte guollebivdit galget čuovvut náššonála njuolggadusaid bivdoneavvuid hárrái.
3. Dihto jávrriid sáhttá ráfáiduhttit fierpmástallamis dahe sáhttá ráddjet galle fierpmi juohke bivdi sáhttá atnit.
4. Sáhttit čađahit kultiverendoaimmaid guollejávrriin ja jogain.

Iežá bivdu

1. Olmmáivákki álbmogis lea oktoriekti smávvafuođđobivdui.
2. Báikki olbmot besset bivdit nuvttá.
3. Sáhttit vuovdit bivdinlobiid olgobeal olbmuide. Dalle galgá ráddjet galle bivdi besset searvat, man olu smávvafuođu sáhttá bivdit ja man guhkes áiggi bivdu bistá.
4. Gait bivdu muđuid galgá čuovvut náššunála njuolggadusaid.

Ealuid guohtun

1. Báikki olbmuin lea riekti guođuhit nu olu ealuid maid dálus sáhttá biepmat dálvvi.
2. Olgobeal olbmot sáhttet guođuhit ealuid dán guovllus jus dat ii hehtte báikki olbmuid guođuheames.
3. Guođoheaddjit galget ovttas váldit ovddasvástadusa divvut ja fuolahit áiddiid nu ahte ealut eai beasa priváhta eatnamiidda mat leat Čáhppoha vuolábealde.

Barttaid ja iežá rusttegiid huksen

1. Gaikkain geain leat ealut geasseorohagas, lea riekti hukset dárbbašlaš eallodoalloráhkkanusaid ja barttaid daid doaimmaid oktavuođas. Dat galgá dahkkot dálá geasseorohagas.
2. Gaikkat galget beassat láigohit tonttiid rusttegiidda nu ahte sáhttet daidda váldit dáhkkádusa. Sáhttá láigohit tontte nu guhká go guođuha ealuid doppe geasset.
3. Jus heaittiha eallodoalu, de galgá gáikut gait rusttegiid dahe luohpadit daid iežá geasseorohaga geavaheddjiide dahe oktasaš geavaheapmái.
4. Sáhttá hukset barttaid badjeleappos Čáhppohis erenoamáš ulbmiliidda dihto joavkkuide dahe gaikkaide buorrin. Dákkár barttaid galget báikki olbmot muđuid sáhttit atnit go ii hehtte erenoamáš geavaheami omd. sávzzaid čohkkema. Čáhput Siida eaktuda ahte dákkár barttaid sáhttet gait olbmot geavahit dihto njuolggadusaid mielde.
5. Searvi galgá dohkkehit juohke ođđa ásaheami ja rusttega.

Mohtorjohtolahkii

1. Mohtorjohtolat bievlan galgá ráddjejuvvot nu olu go vejolaš.
2. Gieldit gait mohtorjohtolaga bievlan mii ii gula bargui. Gait johtolat berrešii čuovvut bálgá(id).
3. Muoraid berrešii fievrridit dálvesiivun.
4. Hehtten dihte vuodjinvahágiid de berrešii garvit mohtorjohtolaga njuoska eatnamiin.

NUOLGGADUSAID DULKON

Gait eahpečielggasvuođaid galget bidjat searvvi ovdii čielggadeapmái.