MUILa uhcabártnážiin lei siidakámpa geassemánu 27. b. Goržži čievrabánas. Sii čikče Skibotn IL vuostá. Buorre lihkkus dalle lei boddu arvimis. Kámpa lihkostuvai bures ja MUIL vuittiige 9-0.

Dál lea spábbačiekčanluopmu gitta borgemánu 15. b. rádjái.

Uhcabártnážat čikče Lyngen/Karnes/Furuflaten1 vuostá Ivgomuotkis geassemánu 19. b. Doppe sii vuoittahalle vuosttaš geardde dán sesoŋŋas moalain 3-2. Bártnážat čikče gal bures, ja sis ledje máŋga moallavejolašvuođa, muhto eai ožžon spáppa mollii. Nuba vuoittahallage dán háve, vaikko moadde beaivve ovdal ledje vuoitán seamma joavkku stuorrát.

Uhcabártažiid joavku lei buori čiekčanmovttas siidakámppas Lyngen/Karnes/Furuflaten1 vuostá. Kámpa lei geassemánu 15. b. ja MUILa uhcabártnážat vuite 10-1.

Ikte deaivvadii MUIL smávvá nieiddat /Vuošvákki/Ivgu/Gárnjárgga joavkku Goržži čiekčanšilljus. Dát ii šaddan nu buorre čiekčan go leimmet doivon. Boađus lei 1-10 Ivgu/Gárnjárgga vuosttáš joavkku vuostá.