Vázzinbálgát Olmmáivákkis

 

Govva lea váldon Stuoračohka nalde (govven: Jørn Are Johnsen).

 

 

 

 

1. Čeallu. Statoilas trimmengirjái lea 2,5 km. Skárfvággái lea 5 km. Viehka álki vázzit traktorbálgá mielde - veaháš vustolat. Ivguvárit odnojit čábbat, ja oaidná vuona sisa gitta Ruollaluktii. Vuogas mátki eahketbeaivvážis. Vuolgga lea Statoila vuolábealde, vuolimus bálgáearus ovdalgo boađát E6:ii. Mana njuolgga bajás viessobálgá mielde. Luodda earrána olgešguvlui justa ovdal maŋimuš viesu. Biilla sáhtát guođđit Statoilsalljui.

2. Jávvagieddi ja Sámmolvárri. Molsašuddi eatnamat, vuostálagat, bajimusas lea jeaggi. Sáhtát joatkit Juppol-várrái ja Vancavárrái gos lea várdu, dahje vári badjel ja Čoaffi bokte vulos, gč. vuolábeal artihkkela. Jávvagiettis lea trimmengirji ja doppe lea buorre oaidnit Ivgui ja Gáivutnii. Luodda álgá E6is el-rávdnjilinnjá guora. Doppe lea parkerenbáiki. Eanet dieđut ja govat.

3. Čoaffi - 570 mbm. Čielga luodda ceakkos eatnamis, ádjána goitge diibmobeali bajás. Luodda sáhttá lea njálkkas go eatnan lea njuoskkas - bija buriid skuovaid. Lávvu ja árran Čoaffi nalde. Buorre oaidnit olles gili. Sáhtát joatkit Bálggesvárrái ja Reavčavággái mii šattai dovddusin Baalsruda dihte, dahje sáhtát joatkit Sámmolvári badjel gitta E6:ii. Trimmengirji Doaresjohgáttis ja Čoaffi nalde. Parkeren Olmmáivákki skuvlla luhtte. Vácce 300 m bajás gilibálgá mielde, jorgal olgešguvlui viessobálgái, ja doppe luodda earrána gurutguvlui.

4. Stuoračohkka - 1192 mbm Luodda manná vuos Áddjásteallái gos lea trimmengirji. Joatká Stuoračohka bajás, ceakkus gitta nala. Ii leat čielga luodda. Hirbmat buorre geahččat Olmmáivákki. Guođe biilla skuvlla lusa.

5. Áhkkávággi. 1 km álkkes eatnamiid mielde. Trimmengirji. Vuolgga Áhkkavággerovi luhtte.

6. Ápmelašvággi.

 

 

Skáidibarta gurutbealde, Ruovddáš olgešbealde. Govat: Lene Antonsen

 

7. Skáidibarta 4 km / Baalsrudhoallu 5 km Álkkes eatnamat čielga luotta mielde. Barttas lea luodda Baalsrudhollui, mii lea merkejuvvon huolu rádjái. Vuolgga Ruovddážis gáicanávehiid luhtte. FUOBMÁ! Gáiccat leat váibmilat biilamálái, ále guođe biilla návehiid lahka.

8. Skárfvággi Molsašuddi eatnamat - skearrobálggis/vázzinbálggis. Čuovo várrebálgá gurutbealde jogas dassážii go boađát luddii mii manná joga guora. Ruvkebázahusat. Goahti 5,5 km E6:s. Biilla sáhtát guođđit E6:ii. Eanet dieđut ja govat.